Letra de la cancion "Viquina"
Interpretada por "Corquiéu"
Letra en Español
letra Viquina en español
Na alta viesca, el nial fadré
No cimero del Corquiéu
Dende ellí xixilaré
La natura espoxigar
Al Urriellu xubiré
Nel iviernu grís y escuru
Y na pica achisbaré
Al nuberu aportar
N'otra vida quiero ser
Una viquina y esnalar
Dende'l cielu azul ver
El país verde a los pies
En picáu habré baxar
A la gueta de refuxu
Nesa viesca del mio llar
Nel tueru d'un rebollu
Esperando ver pasar
Agospiáu na so madera
L'agua frío la inverná
Qu'anuncia la primavera
N'otra vida quiero ser
Una viquina y esnalar
Dende'l cielu azul ver
El país verde a los pies
Y col sol desplegaré
Les mios ales perarguta
Y col aire esnalaré
Per enriba de la costa
Y veré les gaviluetes
Pescar pexes n'alta mar
Glayar penriba los barcos
Anunciando'l so bientar
N'otra vida quiero ser
Una viquina y esnalar
Dende'l cielu azul ver
El país verde a los pies
Y nel branu buscaré
Na cordalera d'El Cuera
La mio pareya'l riscar
Que pase equí la invernera
Ver más canciones interpretadas por
Corquiéu
Todas las letras del este sitio son para uso educativo o uso personal, esta prohibido su uso comercial, las letras están protegidas por los derechos de sus respectivos autores.
Algunas de las letras fueron traducidas usando sistemas automatizados, es recomendable tratar de interpretar
el
contenido para poder entender el conexto y significado de los textos.